Antón García Secades (Uviéu/Oviedo, 1964) ye un artista plásticu autodidacta qu’entamó la so andadura en 1989.

La so obra carauterízase pol usu de recursos naturales p’amosar una particular visión xeolóxica del paisaxe, tema recurrente na so carrera. Bien apegáu a la tierra y a la so redolada física, atopamos creaciones nes que’l color interaiciona direutamente con elementos minerales, como carbón, cayuela, caliar y sobremanera sable de playes, dando llugar a relieves, plegues y testures que transiten ente lo figurativo y lo astrauto, evolucionando nes distintes etapes del autor.

Atopamos nestos materiales l'elementu protagonista de les sos creaciones, en magar la esploración y estudiu del so comportamientu mentanto’l procesu creativu da llugar a un trabayu del productu que xuega cola absorción carauterístico y distintivo de los pigmentos per parte de caún de los componentes, camudando la so intensidá y contornes, casi de forma orgánica, hasta llegar al resultáu caberu de la obra.